မေတ္တာအကျိုး
ခြံရှေ့ကိုလှည်းရပ်လိုက်သည်နှင့်တပြိုင်နက် ကိုကျော်လှတစ်ယောက် သွက်လက်ပေါ့ပါးစွာဖြင့် လှည်းပေါ်မှခုန်ဆင်းကာ ဇနီးဖြစ်သူ မညွန့်ရီလက်ထဲမှ နှစ်နှစ်ချိုက်ချိုက်အိပ်ပျော်နေသော အခါလည်အရွယ် သမီးလေးကို လှမ်းယူလိုက်လေသည် ။
" ညွန့်....ဒါ ကိုကိုတို့အိမ်လေ.....သဘောမကျဘူးလား.... "
လှည်းပေါ်မှအသာအယာဆင်းရင်း အိမ်ကိုအသေအချာရပ်ကြည့်နေသောမညွန့်ရီကို ပြုံးပြီးကြည့်ရင်း ကိုကျော်လှ ထပ်မေးလိုက်သည် ။
" ကိုကိုဝယ်ထားတဲ့အိမ်ကိုသဘောမကျဘူးလား...ညွန့် "
" ညောင်ပင်ကြီးက အကိုင်းတွေက အိမ်ရှေ့ကိုကွယ်သလိုဖြစ်နေတော့ ကောင်းကောင်းမမြင်ရလို့ပါ ကိုကို .... ကိုကိုသဘောကျရင် ညွန့်လဲသဘောကျတာပေါ့... ကြည့်ရတာ လူမနေတာကြာပြီနဲ့တူတယ်... "
" ဟုတ်တယ်ညွန့်.... ကိုကိုလဲ ဈေးချိုတာနဲ့ဝယ်လိုက်တာ... ခုခေတ်မှာ ဒီလိုအိမ်မျိုးကို ဈေးချိုချိုနဲ့ရဖို့မလွယ်ဘူး... နောက်ပြီး ကိုကို့ဆန်စက်နဲ့ကလဲ နီးတယ်လေ "
" ခြံထဲကခြုံတွေရှင်းလိုက်ရင်တော့ ရှင်းလင်းပြီး ကြည့်ကောင်းမှာပါကိုကို "
" မပူနဲ့...ကိုကိုစီစဉ်ထားပြီးသား "
သမီးလေးကို မညွန့်ရီလက်ထဲသို့ပြန်ပေးလိုက်ရင်း လှည်းပေါ်မှ ပစ္စည်းများကို သယ်ချနေစဉ် မျက်စောင်းထိုးအိမ်မှ လူရွယ်တစ်ဦးအပြေးအလွှားရောက်လာကာ ကိုကျော်လှကိုလှမ်းနှူတ်ဆက်လိုက်သည် ။
" ကိုကျော်လှ.... ကျွန်တော်ကမနက်ဖြန်မှပြောင်းလာကြမယ်ထင်နေတာ... အိမ်ရှေ့အိမ်ကိုလူသစ်တွေပြောင်းလာတယ်ဆိုပြီး အမေပြောလို့ ပြေးထွက်လာခဲ့တာ... ပေး...ပေး...ကျွန်တော်ကူသယ်ပေးမယ် "
" ရပါတယ် ကိုသောင်း...ပစ္စည်းကသိပ်မများပါဘူး... "
" ဟင်...အိမ်ပြောင်းတာ ပစ္စည်းတွေက ဒါအကုန်ပဲလား... "
" အိမ်ဝယ်ဖို့ပဲ အဓိကထားပြီးပိုက်ဆံစုရတော့ ကျန်တဲ့အသုံးအဆောင်တွေမဝယ်ဖြစ်ဘူးဗျာ... "
" ဟုတ်တာပေါ့ဗျာ... အခုအိမ်ပိုင်ပြီပဲ...တဖြည်းဖြည်းစုဝယ်ကြပေါ့နော "
" ဟုတ်တယ်...ကိုသောင်းရေ... အော်...ဒါနဲ့ မိတ်ဆက်ပေးရဦးမယ်... ဒါကျွန်တော့်ရဲ့ ဇနီး မညွန့်ရီ....ဟိုက..ပိစိကွေးလေးက သမီးလေ... ညွန့်ရေ... ကိုသောင်းတဲ့ ... ဒီအိမ်ကိုသူရှာပေးတာလေ...ပွဲစားတော့မဟုတ်ဘူးညွန့်ရဲ့...ကိုကို့မိတ်ဆွေ ကိုသူရရဲ့ ညီဝမ်းကွဲပေါ့ကွယ် "
" အော်...ဟုတ်ကဲ့ရှင့်... တွေ့ရတာဝမ်းသာပါတယ်... "
" လာ...အမ... အိမ်ထဲဝင်ရအောင်... ကလေးနေပူနေဦးမယ်... ပစ္စည်းတွေချပြီးသွားရင် ကိုကျော်လှတို့ စားဖို့အိမ်ပြန်ပြီးစီစဉ်လိုက်ဦးမယ်ဗျ "
" ဟာ...မဟုတ်တာ....ကိုသောင်းရယ်...အားနာစရာ "
" ဘယ်ဟုတ်ပါ့မလဲဗျာ... အခုမှအိမ်သစ်ပြောင်းလာကြတာ ချက်ဖို့ပြုတ်ဖို့အတွက် ဘယ်အဆင်ပြေပါ့မလဲ ..... မနက်စာရော..ညစာရော ကျွန်တော့်အိမ်မှာပဲစားကြပါဗျာ... အမေတို့နဲ့လဲ မိတ်ဆက်ပေးချင်လို့ "
" ကျေးဇူးတင်ပါတယ် ကိုသောင်းရယ်... အခုလို လူမျိုးနဲ့ အိမ်နီးနားချင်းဖြစ်ရတာဝမ်းသာမိပါတယ် "
-------------------
ခြံထဲဝင်လိုက်ကတည်းက မညွန့်ရီတကိုယ်လုံး အေးစိမ့်စိမ့်ဖြစ်သွားသောကြောင့် ရင်ခွင်ထဲတွင် အိပ်ပျော်နေသောသမီးလေးကို ခေါင်းမှပုဝါ ဖြုတ်ပြီး ခြုံပေးလိုက်မိသည် ။ ခြံထဲတွင် အပင်ကြီးဟူ၍မတွေ့ရပဲ အိမ်ခြံထောင့်တွင် ကြီးမားသည့် ညောင်ပင်ကြီးတစ်ပင်သာ ထီးထီးမားမားရှိနေလေသည် ။ နေပြောက်ပင်ထိုးမဖောက်နိုင်လောက်အောင် အကိုင်းအခက်များဖြာလျက် အရွက်များက အုံ့ဆိုင်းနေကြလေသည် ။ လူကြီးနှစ်ယောက်ဖက်စာမျှရှိသော ပင်စည်ကြီးက တုတ်ခိုင်ကြီးမားလှပြီး အောက်ခြေတွင် သစ်မြစ်များက ဖြန့်ကျက်ဖြာထွက်လျက် အမြောင်းလိုက် မြေထဲသို့ထိုးဝင်နေကြလေသည် ။
" ညွန့်ရေ...အိမ်ပေါ်တက်ကြရအောင်လေ "
" ဟုတ်ကဲ့...ကိုကို "
" အဲ့...ဝါး.... "
အိမ်ပေါ်စတက်လိုက်သည်နှင့် အိပ်ပျော်နေသောသမီးလေးက ရုတ်တရက်နိုးလာပြီး ထငိုလေတော့သည် ။
" ကျွတ်...ကျွတ်..ကျွတ်...အိပ်ပါကွယ်....သမီးလေးရယ်... "
မညွန့်ရီချော့သိပ်သော်လည်း ပြန်မအိပ်သည့်အပြင် နို့ပင်မစို့တော့ပဲ မျက်လုံးလေးများကြောင်တောင်တောင်ဖြင့် ဟိုဟိုသည်သည် လိုက်ကြည့်နေလေသည် ။
" သမီးလေး လေများနာသလားမသိဘူးညွန့်ရေ "
" တစ်လမ်းလုံးအကောင်းပါကိုကိုရယ်.... ခုကျမှချက်ချင်းကြီးထငိုတာ အငိုမတိတ်တော့ဘူး.... ခရီးပန်းပြီး မအီမလည်ဖြစ်နေတယ်နဲ့တူပါတယ် "
ကော့လန်ထိုးကာ ငိုနေသော သမီးလေး၏မျက်လုံးအစုံက အိမ်နောက်ဖေးမီးဖိုချောင်ကိုသာ စိုက်ကြည့်နေလေသည် ။
" အကိုနဲ့အမ... ဘုရားစင်ကိုအရင် ရွှေ့ပြီး ဘုရားပင့်လိုက်ရအောင်.. "
" ကောင်းတယ် ကိုသောင်းရေ .. ကျွန်တော်တို့မှာတော့ ဘုရားဆင်းတုတော်မရှိဘူး....ပုံတော်ပဲပါတယ်ဗျ "
" ရပါတယ်အကိုရယ်.... ပုံတော်ပဲဖြစ်ဖြစ် ဆင်းတုတော်ပဲဖြစ်ဖြစ် ဘုရားရှင်ကိုယ်တော်မြတ်ပဲလေ... "
" ညွန့်ရေ...ခနစောင့်ဦး...ကိုကို ဘုရားပုံတော်သွားပင့်လိုက်ဦးမယ် "
ကိုကျော်လှနှင့်ကိုသောင်းတို့လှည်းပေါ်မှ လက်ကျန်ပစ္စည်းများကိုသယ်လာကြပြီး အိမ်ပေါ်တွင်နေရာချထားလိုက်ကြသည် ။
" အကို... ဘုရားစင်ကိုဘယ်နားမှာထားမလဲ "
" အိမ်ဦးခန်းဆိုတော့ ဟိုနံရံမှာပဲ ထားလိုက်မယ်ဗျာ "
" အိမ်ဦးနတ်ရောမတွေ့ပါလား "
" ဘာကိုပြောတာလဲကိုသောင်း "
" ဟိုလေ... အိမ်ဦးနတ်ဆိုတာ အဘမင်းမဟာဂီရိကိုပြောတာ "
ကိုသောင်း၏စကားကြောင့် ကိုကျော်လှနှင့် မညွန့်ရီတို့ တစ်ယောက်မျက်နှာတစ်ယောက်ကြည့်လိုက်မိသည် ။
" ကျွန်မတို့က ရတနာသုံးပါးကလွဲရင် ကျန်တာတွေကို မကိုးကွယ်ဘူးအကို "
" ဟင်...ဟုတ်လား... အကိုနဲ့အမတို့မှာ ရိုးရာနတ်တွေဘာတွေမရှိကြဘူးလား ... ဟိုဗျာ.. ပဲခူးတလိုင်းတို့... မင်းကြီးမင်းလေးတို့ပေါ့...ကျွန်တော်တို့ဆိုရင် ကိုးမြို့ရှင်ကိုးကွယ်တယ်လေ "
" ရိုးရာဆိုတာ အစဉ်အလာတစ်ခုပါကိုသောင်း....၊ ကျွန်တော်တို့လင်မယားနှစ်ယောက်စလုံးမှာ ဘာရိုးရာမှမရှိပါဘူး ... မကိုးကွယ်ပေမယ့် ကောင်းသည်ဆိုးသည်ကိုလဲ မဝေဖန်တတ်ပါဘူး... မေတ္တာပို့တဲ့အခါတိုင်းမြင်အပ်မမြင်အပ်တဲ့ ပုဂ္ဂိုလ်တွေနဲ့ နတ်မင်းကြီလေးပါး...၊ တောစောင့်နတ်...တောင်စောင့်နတ်မှန်သမျှကို မေတ္တာပို့ပါတယ် "
" အကိုတို့လင်မယားက လိုက်လဲလိုက်ပါပေတယ်ဗျာ...အခုမှပဲမြင်ဖူး ကြားဖူးတော့တယ် "
" အကို.....ခနစောင့်နော်.. ကျွန်တော်အိမ်ပြန်ပြီး ဘုရားစင်ဆင်ဖို့သံသွားယူလိုက်ဦးမယ်.... ရေမန်းလဲယူလာခဲ့မယ်... "
" ရေမန်းကဘာလုပ်ဖို့လဲ ကိုသောင်း "
" အကို့သမီးလေးအတွက်လေ.. "
" နေပါစေကိုသောင်း...ကျွန်တော်တို့မှာ ပရိတ်ရေပါလာတယ်ခင်ဗျ "
" အော်...ဟုတ်ကဲ့... "
------------------------------------
ကိုကျော်လှနှင့် မညွန့်ရီတို့နှစ်ယောက် ဘုရားစင်ပြင်ဆင်ပြီးသည်နှင့် သောက်တော်ရေကပ်ပြီး အရပ်ရှစ်မျက်နှာသို့ မေတ္တာပို့လိုက်ကြလေသည် ။
" ဝုန်း..... "
" ဝါး......ဝါး... "
အိမ်နောက်ဖက်မှ ကျယ်လောင်သောအသံနှင့်အတူ ကလေးကစူးစူးဝါးဝါးထငိုလိုက်သည် ။
" ကိုကို.... ဘာသံကြီးလဲ "
" ကိုကိုလဲမသိဘူးညွန့်... ကိုကိုသွားကြည့်လိုက်ဦးမယ် ... တစ်ခုခုပြုတ်ကျတဲ့အသံပဲ "
" ပြုတ်ကျစရာလဲ ဘာပစ္စည်းမှမရှိတာပဲကိုကိုရယ်... ညွန့်တို့ပစ္စည်းတွေက အိမ်ရှေ့ခန်းမှာပဲရှိသေးတယ် ...မဟုတ်မှလွဲရော... ဒီအိမ်မှာ ပရောဂတစ်ခုခု...ဒါမှမဟုတ် မကျွတ်မလွတ်သေးတဲ့သူများရှိနေမလားပဲ "
" ညွန့်ကလဲကွာ....ရှိတယ်ဆိုဦးတော့ ဒီအချိန်မျိုးမှာ ခြောက်လှန့်ပါ့မလား "
" ပြောလို့ရမလားကိုကိုရယ်.... အစွဲရှိနေရင် နေ့ရယ်ညရယ် ရွေးတာမှမဟုတ်တာ... ညွန့်တို့ကို ဒီအိမ်မှာနေတာမကြိုက်လို့ ခြောက်လှန့်တာလဲဖြစ်ချင်ဖြစ်မှာပေါ့ "
" ညွန့်ကကြောက်လို့လား "
" ညွန့်ကြောက်တတ်တာ ကိုကိုဘယ်နှစ်ခါတွေ့ဘူးလဲ... "
" ဟုတ်သားပဲ... ကိုကိုက စတာပါညွန့်ရဲ့....နေဦး...ကိုကိုသွားကြည့်လိုက်ဦးမယ် "
" သတိဝရိယတော့ထားသွားကိုကို... ရန်သူဆိုရင် အန္တရာယ်ရှိနိုင်တယ် "
" အေးပါမိန်းမရယ်.... "
အိမ်နောက်ဖေးမီးဖိုချောင်သို့ ဝင်ကြည့်သော်လည်း ထူးခြားမှူကိုမတွေ့ရပေ...။ ဟာလာဟင်းလင်းဖြစ်နေသော မီးဖိုချောင်က တိတ်ဆိတ်ငြိမ်သက်နေလေသည် ။ အိပ်ခန်းအတွင်းမှာလည်းဘာမှထူးခြားမှူမရှိပေ ။
" ညွန့်ရေ...ဘာမှမရှိပါဘူးကွ... အသီးတစ်ခုခုကြွေကျတာနေမှာပါ "
" ဟုတ်မှာပါ..ကိုကိုရယ်... "
မညွန့်ရီက ကိုကျော်လှကိုအလိုက်သင့်ပြန်ပြောလိုက်ရသော်လည်း အနားတွင်လူတစ်ယောက်ရောက်လာသကဲ့သို့ ခံစားလိုက်ရသည့်အပြင် ပေါင်ပေါ်တင်ထားသည့် သမီးလေးမှာ အတင်းရုန်းကန်ပြီး စူးစူးဝါးဝါးငိုလေတော့သည် ။ မညွန့်ရီ၏ ခန္တာကိုယ်တစ်ခုလုံး ကြက်သီးများရုတ်တရက်ထလာကာ အေးစက်သွားမတတ်ခံစားလိုက်ရသဖြင့် ပရိတ်ကြီးဆယ့်တစ်သုတ်ကို အသံထွက်ရွတ်ဖတ်ပူဇော်လေတော့သည် ။
" ဘာဖြစ်လို့လဲ ညွန့် "
အနားသို့ရောက်လာသည့် ကိုကျော်လှကို ဘာမျှပြန်မပြောပဲ ခေါင်းခါပြလိုက်ကာ ရွတ်လက်စပရိတ်ကို ဆက်ရွက်နေရင်း ငိုနေသော သမီးလေး၏ နဖူးကိုပွတ်သပ်ပေးနေလေသည် ။ မညွန့်ရီကိုကြည့်ပြီး ကိုကျော်လှသဘောပေါက်သွားပုံရလေသည် ။ ပစ္စည်းများကိုနေရာချရင်း ကိုကျော်လှကိုယ်တိုင် ပရိတ်တော်ကို ရွတ်နေလေတော့သည် ။
----------------------
ကိုသောင်းတို့အိမ်မှာ ညနေစာကိုစားပြီးသည်နှင့် ကိုသောင်း၏မိသားစုနှင့်စကားစမြည်ပြောကာ အမှောင်မသမ်းခင် အိမ်ပြန်လာကြလေသည် ။
" ကိုကို.... ဟိုညောင်ကိုင်းကြီးက အိမ်ရှေ့ကိုကွယ်နေတော့ မှောင်ရိပ်အရမ်းကျနေတယ်နော်... အိမ်မျက်နှာစာကွယ်နေသလားလို့ "
" ဟုတ်တယ်...ညွန့်ပြောတာမှန်တယ်... ၊ မနက်ဖြန်ကျမှ ကိုကိုကြည့်စီစဉ်လိုက်ဦးမယ် "
" ကိုကို..ညွန့်တို့ အိမ်တက်ဆွမ်းကျွေးရင်းနဲ့ ကမ္မဝါရွတ်ခိုင်းရင်မကောင်းဘူးလား "
" အိမ်တက်ဆွမ်းကျွေးဖို့အတွက် ကိုကိုစီစဉ်ထားပြီးသားညွန့်ရဲ့.... စပါးပွဲစားကိုခင်သိန်းဆီက ကိုကို့ပိုက်ဆံရစရာရှိတာပြန်တောင်းထားတယ်... ဒီရက်ကြားထဲပြန်ဆပ်မယ်လို့ပြောတာပဲ "
" ဘယ်လောက်ကုန်မှာမို့လို့လဲကိုကိုရယ်... သံဃာငါးပါးနဲ့ အိမ်နီးနားခြင်းလေးပဲဖိတ်တာပဲဟာ "
" လက်ထဲမှာရှိတာလေးကို အရေးအကြောင်းသုံးဖို့ထားရသေးတယ်လေ ညွန့်ရဲ့...စားဖို့သောက်ဖို့နဲ့ ကျမ်းမာရေးကရှိသေးတယ်...၊ ကိုယ့်လက်ထဲမှာပိုက်ဆံမရှိရင် အသိမိတ်ဆွေမရှိတဲ့ နေရာသစ်မှာ ဘယ်သူ့ဆီကချေးငှားလို့ရမှာလဲကွယ် "
" ဒါတော့လဲဟုတ်တာပဲ... ရောင်းစရာ ပေါင်စရာ ရွှေတိုရွှေစလေးတွေကလဲ အိမ်ဝယ်တဲ့အထဲပါသွားပြီ... ကိုကိုအစဉ်ပြေသလိုသာစီစဉ်ပါကိုကိုရယ်... "
" လာ...လာ... ညွန့်ရေ...အိမ်ထဲဝင်ကြမယ်... "
အိမ်ထဲရောက်သည်နှင့်ဖယောင်းတိုင်ဖြင့် ဘုရားမီးပူဇော်ကာ မှန်အိမ်ကိုရေနံဆီဖြည့်ပြီး မီးညှိလိုက်လေသည် ။ မှန်အိမ်မီး၏အလင်းရောင်အောက်မှာ မညွန့်ရီက ကလေးကိုနို့တိုက်နေသကဲ့သို့ ကိုကျော်လှက အိမ်ရှေ့ပြူတင်းပေါက်နားတွင်ထိုင်ကာ ဆေးလိပ်ဖွာရင်း အပြင်ဘက်သို့ငေးမောကြည့်နေလေသည် ။
အပြင်ဘက်တွင် အမှောင်သမ်းလာသည်နှင့်အမျှ မြေအောင်းပိုးမွှားတို့၏ အော်သံတို့က နေရာအနှံ့မှထွက်ပေါ်လာနေလေပြီ...။ အုံ့မှိူင်းနေသော ညောင်ပင်ကြီးကိုတစ်လှည့် အိမ်ရှေ့ဝင်ပေါက်ထိတိုင်အောင် အုပ်မိုးနေသော အရွက်များဖြင့်ဝေဆာနေသည့် ညောင်ကိုင်းကြီးကိုတစ်လှည့်ကြည့်ရင်း ကိုကျော်လှတစ်ယောက် ဆုံးဖြတ်ရခက်နေလေသည် ။
" ညွန့်..... "
" ရှင်...ကိုကို "
" ကိုကိုတော့ ညောင်ကိုင်းကြီးကိုဘယ်လိုလုပ်ရမှန်းမသိတော့ဘူးကွာ "
" ခုတ်တော့မခုတ်ပါနဲ့ကိုကိုရယ်... ညောင်ပင်တို့ ကုက္ကိုလ်ပင်တို့ကအပင်ကြီးမျိုးတွေလေ...၊ အစောင့်အရှောက်ရှိတာမရှိတာထက် ညွန့်တို့မမြင်ရတဲ့အခြားဘဝကသူတွေ မှီခိုနေထိုင်နေခဲ့ရင် သူတို့လေးတွေသနားပါတယ်...။ နေစရာအိမ်မရှိလို့ ညွန့်တို့တောင် အခက်အခဲဖြစ်ရသေးတာပဲလေ...သူတို့ခမြာလဲ ဒုက္ခရောက်ရှာမှာပေါ့ "
" ကိုကိုလဲညွန့်တွေးသလိုတွေးမိပါတယ်... ဘယ်လိုလုပ်ရင်ကောင်းမလဲလို့စဉ်းစားနေတာ...ညွန့်သဘောကရော "
" ညွန့်ရဲ့သဘောဆိုရင်တော့ ... သစ်သားခြောင်းနဲ့ဖြစ်ဖြစ် ... ခိုင်မယ့်ဝါးလုံးကြီးကြီးနဲ့ပဲဖြစ်ဖြစ် ထောက်တိုင်လိုထောက်ထားလိုက်ရင်ကောင်းမလားလို့ "
" ဟေ.... ဟုတ်သားကွ... ဒီနေရာမှာတော့ ညွန့်က ကိုကို့ထက်သာသွားပြီ.... ကိုကိုလဲသဘောတူတယ်... မနက်ဖြန်မနက်ကျရင် ကိုသောင်းကိုအကူအညီတောင်းပြီး ဝါးပိုးဝါးတစ်လုံးလောက်သွားဝယ်ပြီး ညွန့်ပြောသလိုလုပ်လိုက်မယ် "
" ဟုတ်ကဲ့ကိုကို... "
နှစ်ဦးသဘောတူညီမှူရသည်နှင့် ကိုကျော်လှက ပေါ့ပါးစွာဖြင့် ဆေးလိပ်ဆက်ဖွာရင်း ညောင်ပင်ကြီးကိုလှမ်းကြည့်နေမိလေသည် ။ အလင်းရောင် ပျောက်ကွယ်သွားသည်နှင့် ခပ်လှမ်းလှမ်းရှိ ကိုသောင်းတို့အိမ်နှင့် အခြားအိမ်များမှထွန်းညှိထားသော မီးမှိန်မှိန်လေးများမှအပ ရွာလမ်းတစ်လျှောက်လုံးမှောင်မိုက်နေလေသည် ။ ကိုကျော်လှတို့အိမ်သည် လမ်းထိပ်ဆုံးမှာ ဖြစ်နေသည့်အတွက် အိမ်ရှေ့ လှည်းလမ်းတစ်ဖက်တွင် အိမ်ခြေဟူ၍မရှိပဲ လယ်ကွင်းများသာ တစ်မျှော်တစ်ခေါ်ရှိနေလေသည် ။ အိမ်နောက်ဖေးဘက်တွင် ကျောချင်းကပ်လျက် တဲသာသာအိမ်လေးတစ်လုံးရှိသော်လည်း လူနေထိုင်သည့် အရိပ်အယောင်မတွေ့ရပေ ။ အိမ်ပေါ်မှ
ထွန်းထားသော မှန်အိမ်မီးရောင်က ပြူတင်းပေါက်မှ လျှံထွက်ကာ ခြံဝင်းထဲသို့ မှိန်ဖျော့ဖျော့သာ လင်းနေပေသည် ။ ပေရှစ်ဆယ်မျှကျယ်ဝန်းသော ခြံဝင်းက မှောင်မဲပြီး အရေးအကြောင်းသွားလာဖို့ပင် အခက်အခဲရှိနေလေသည် ။
" ညွန့်ရေ "
" ရှင်... "
" ကိုကိုတစ်ခုစဉ်းစားမိလို့ "
" ဘာလဲကိုကို...ပြောလေ "
" ခြံထဲမှာမှောင်မဲနေတော့ အရေးအကြောင်းဆိုဘာမှမမြင်ရဘူးကွာ... ပိုးကောင်မွှားကောင်တွေရဲ့ အန္တရာယ်လဲကြောက်ရသေးတယ် "
" ကိုကိုကဘာလုပ်ချင်လို့လဲ "
" ခြံထဲမှာ ဖယောင်းတိုင်လေးထွန်းထားမလားလို့ "
" ထွန်းချင်ထွန်းလေ...ကိုကို... အလင်းရောင်လးရှိတော့ ကောင်းတာပေါ့ ... ဘုရားမီးပူဇော်ဖို့အတွက် ဖယောင်းတိုင်တွေဝယ်ထားတာရှိတယ်လေ... ဘုရားစင်အောက်ကခြင်းတောင်းထဲမှာရှာကြည့်လိုက်ကိုကို "
သောက်လက်စဆေးလိပ်ကို ပြာခွက်ထဲထည့်လိုက်ပြီး ဘုရားစင်အောက်တွင် ချိတ်ဆွဲထားသော ကြိမ်ခြင်းတောင်းထဲမှ ဖယောင်းတိုင်တစ်တိုင်ကိုယူကာ မီးညှိလိုက်သည် ။ ဖယောင်းတိုင်ကို ငြိမ်းမသွားစေရန် လက်ဖြင့်ကာရင်း ခြံထဲသို့ဆင်းကာ မီးထွန်းဖို့နေရာရှာနေသော ကိုကျော်လှခေါင်းထဲသို့ အတွေးတစ်ခုရလိုက်သည် ။ ထို့နောက် ဖယောင်းတိုင်အလင်းရောင်ကိုအားပြုကာ ညောင်ပင်ကြီးဆီသို့ လျှောက်သွားလိုက်လေသည် ။ညောင်ပင်ခြေရင်းသို့ ရောက်သည်နှင့် ညောင်ပင်ကိုအသေအချာကြည့်လိုက်ရာ လက်တစ်ထွာမျှ ဟနေသော အမြစ်ဆုံသစ်ခေါင်းပေါက်နေရာကိုတွေ့လိုက်ရလေသည် ။ ထိုသစ်ခေါင်းပေါက်လေးထဲသို့ ဖယောင်းတိုင်ကို
စောက်ထိုးအနေအထားဖြင့် ဖယောင်းစက်ချကာ ဖယောင်းတိုင်ယိုင်မလဲစေရန် အသေအချာစိုက်ထူလိုက်သည် ။ ဖယောင်းတိုင်အလင်းရောင်ကြောင့် ညောင်ပင်တစ်ဝိုက်နှင့် ခြံအတွင်းတွင် လင်းသွားလေတော့သည် ။ သစ်ခေါင်းထဲမှ ဖယောင်းတိုင်မှာ လေတိုက်ခတ်မှူမခံရသောကြောင့် တည်တည်ငြိမ်ငြိမ်ဖြင့် အလင်းရောင်ကိုထုတ်လွှတ်ပေးနေလေသည် ။ ကိုကျော်လှက သဘောကျစွာပြုံးလိုက်ရင်း ညောင်ပင်ကြီးကို မော့ကြည့်လိုက်မိသည် ။ ကိုကျော်လှတစ်ကိုယ်လုံး ဖိန်းရှိန်းသွားကာ မွေးညင်းများထောင်ထလာသကဲ့သို့ ခံစားလိုက်ရသည့်အပြင် ညောင်ကိုင်းများလှူပ်ခါသွားသည်ကိုမြင်တွေ့လိုက်ရသဖြင့် ကိုကျော်လှသဘောပေါက်ကာ စီးထား
သည့်ဖိနပ်ကိုချွတ်လိုက်ပြီး ခပ်လှမ်းလှမ်းသို့ပစ်လိုက်လေသည် ။
" ဤညောင်ပင်မှာ မှီတင်းနေထိုင်ကြတဲ့ မမြင်အပ်သော ပုဂ္ဂိုလ်အပေါင်းတို့.... ကျွန်ုပ်သည် ဤခြံဝင်းနှင့် ဤအိမ်၏ ပိုင်ရှင်ဖြစ်ပါသည် ။ သင်တို့အားမည်သည့်အနှောက်အယှက်မှမပေးသကဲ့သို့ ကျွန်ုပ်တို့မိသားစုအား သင်တို့မှလည်း အနှောက်အယှက်မပေးကြပါရန်မေတ္တာရပ်ပါသည် ။ ကျွန်ုပ်တို့နေ့စဉ်ပြုသမျှကုသိုလ်နှင့် ပို့သမျှသောမေတ္တာများကို သင်တို့ရကြပါစေ...၊ ဤညောင်ပင်ကိုအစိုးရသော ပုဂ္ဂိုလ်ရှိပါကလည်း ကျွန်ုပ်တို့တွင် အမှားအယွင်းများရှိခဲ့ပါက ခွင့်လွှတ်ပေးပါ ၊ သင့်အားလည်း ပြုသမျှကုသိုလ်ကိုအမျှပေးဝေပါသည် ၊ မေတ္တာပို့သပါသည် "
" ဝေါ........ "
လေပြင်းတိုက်ခတ်သကဲ့သို့ တုန်ခါသွားသော ညောင်ပင်ကြီးကိုကြည့်ပြီး ကိုကျော်လှတစ်ကိုယ်လုံးကြက်သီးဖြန်းဖြန်းထမိလေသည် ။
" ကိုကို..... ကိုကို... "
အိမ်ပေါ်မှလှမ်းခေါ်လိုက်သော မညွန့်ရီ၏အသံကြောင့် အိမ်ပေါ်သို့အပြေးအလွှားတက်သွားလေသည် ။
" ဘာဖြစ်လို့လဲညွန့်..... "
ကလေးကိုပွေ့ပြီး သိပ်နေသော မညွန့်ရီက နှူတ်မှပြန်မဖြေပဲ အိမ်နောက်ဖက်ဆီသို့ မေးငေါ့ပြလိုက်သည် ။
" ဘာလဲညွန့်.... ဘာပြတာလဲ "
" ဟိုမှာလေ..... မမြင်ဘူးလား.... "
မညွန့်ရီထံမှ လေသံသဲ့သဲ့ဖြင့်လှမ်းပြောရင်းမေးငေါ့ပြလိုက်သည့်နေရာကို လှမ်းကြည့်လိုက်မိသည် ။ မှန်အိမ်မီးရောင်အောက်တွင် ထင်ဟပ်နေသော အရိပ်ကြီးက နံရံပေါ်တွင် အထင်းသားပေါ်နေလေသည် ။ အရိပ်ကြီးကိုကြည့်ပြီး ကိုကျော်လှ နေရာကို ဟိုရွှေ့သည်ရွှေ့လုပ်ကြည့်သည် ။ အရိပ်ကနေရာပြောင်းမသွားသောကြောင့် မှန်အိမ်ကိုယူပြီး နေရာရွှေ့ကြည့်ပြန်လေသည် ။ အရိပ်ကြီးက နေမြဲနေရာတွင်မပြောင်းလဲပဲရှိနေသည် ။
မှန်အိမ်ကို မူလနေရာတွင်ပြန်ထားကာ အရိပ်ကြီးကိုသေသေချာချာစိုက်ကြည့်နေမိသည် ။ ရှည်မြောမြောအရိပ်ကြီးက လှူပ်ရှားလာပြီး တစ်ပါတ်လည်သကဲ့သို့ဖြစ်သွားသည့်အခါ လူသဏ္ဍာန်ပေါ်လာလေတော့သည် ။
" ဟင်..... "
ကိုကျော်လှအံ့အားသင့်သွားရင်း မညွန့်ရီကိုလှမ်းကြည့်လိုက်သည် ။ မညွန့်ရီက ထိုအရိပ်ကြီးကိုမမှိတ်မသုံစိုက်ကြည့်ရင်း ပါးစပ်မှလဲ မေတ္တာသုတ်ကိုအသံထွက်ကာ မပြတ်ရွတ်နေသည်ကိုတွေ့လိုက်ရသည် ။ အရိပ်ကိုပြန်လှည့်ကြည့်မိသည့်အခါတွင်လုံးဝမတွေ့ရတော့ပဲပျောက်ချင်းမလှပျောက်ကွယ်သွားလေတော့သည်ပဲ ။
" ညွန့်....ဘာမြင်လိုက်လဲ "
မညွန့်ရီက ခနဟူသည့်သဘောဖြင့် လက်ကာပြကာ မေတ္တာသုတ်ကိုပြီးဆုံးသည်အထိရွတ်နေလေသည် ။ မေတ္တာသုတ်ပြီးဆုံးသည်နှင့် မညွန့်ရီက ကိုကျော်လှကိုလှမ်းမေးလိုက်သည် ။
" ကိုကိုရောဘာမြင်လိုက်လဲ "
" ကိုကို...ကိုကိုမြင်လိုက်တာပြောရမလား "
" ညွန့်ကြောက်မှာစိုးလို့မဟုတ်လား... ညွန့်မကြောက်ပါဘူးကိုကိုရဲ့... သမီးလေးကိုဒုက္ခပေးမှာစိုးလို့ အဲဒီပုဂ္ဂိုလ်ကို မေတ္တာပို့ပေးနေတာ... "
" ဒါဆို...ညွန့်မြင်လိုက်တယ်ပေါ့...ဟုတ်လား "
" ကိုကို..... အဲဒီလူက ကြိုးဆွဲချသေတာဖြစ်မယ်... အပေါ်မှာကြိုးလိုအရိပ်မြင်ရတယ်... အရိပ်ကကြမ်းပြင်နဲ့လွတ်ပြီးလည်နေတာ ကိုကိုအိမ်ပေါ်တက်မလာခင်ကတည်းက...ကိုကိုလာမှ ဘေးစောင်းအနေအထားဖြစ်သွားတာ "
" ညွန့်ရယ်... စောစောကတည်းက ကိုကို့ကိုလှမ်းခေါ်လိုက်ပါတော့လား "
" ခေါ်မလို့ပဲကိုကို... သမီးလေးနိုးသွားမှာစိုးလို့ရယ်.... သူဘာလုပ်ပြဦးမလဲဆိုတာစောင့်ကြည့်ချင်လို့အသာလေးငြိမ်နေတာ... "
" ငါ့မိန်းမကတော့ အာဂသတ္တိပဲဟေ့ "
" ကိုကိုရယ်... မြတ်စွာဘုရားဟောတဲ့တရားတော်ထဲမှာလဲရှိတယ်လေ.. မကျွတ်မလွတ်သေးတဲ့ နာနာဘာဝ ဝိနာဘာဝဆိုတာရှိတာပဲဟာ.... သူတို့က လူတွေကိုခြောက်လှန့်တတ်ရုံကလွဲလို့ ဘာမှလုပ်နိုင်တာမဟုတ်ပါဘူးကိုကိုရယ်... မကျေနပ်တာ...အကူအညီလိုတာကို သူတို့နည်းသူတို့ဟန်နဲ့ တတ်နိုင်သလောက်လုပ်ပြတာပဲဟာ... လျှာထုတ်ပြ...ပြူးပြ...ဖြဲပြလဲညွန့်ကတော့ မကြောက်တဲ့အပြင်သနားမိသေးတယ် "
" ညွန့်ကတော့ တကယ့်ဗုဒ္ဓဘာသာဝင်ကောင်းစစ်စစ်ပါပဲကွယ်..... "
" အဲဒါက ဖေဖေနဲ့မေမေရဲ့ အဆုံးအမကြောင့်ပါကိုကိုရယ်...ညွန့်ငယ်ငယ်လေးကတည်းက ဗုဒ္ဓစာပေတွေနဲ့ရင်းနှီးခဲ့တာလေ... ဖေဖေနဲ့မေမေက ညွန့်တို့မောင်နှမတွေကို အိပ်ယာဝင်ပုံပြင်ပြောတဲ့အခါ... အခြားပုံပြင်တွေကိုဘယ်တော့မှမပြောဘူး... ပြိတ္တာဖြစ်ရတဲ့အကြောင်း ၊ ငရဲကျရတဲ့အကြောင်းတွေကိုအမြဲပြောပြတယ် ၊ ကံငါးပါးကိုမချိုးဖေါက်ဖို့နဲ့ သီလလုံဖို့လဲအမြဲမှာတယ် ။ သီလရှိရင် ဘယ်နာနာဘာဝကိုမှကြောက်စရာမလိုဘူးလို့ပြောထားတော့ ညွန့်ငယ်ငယ်လေးကတည်းက မကြောက်တတ်တော့ဘူး.... ပရလောကသားတွေရဲ့ဘဝကိုသနားလာမိတယ် ... "
" တကယ်လေးစားဖို့ကောင်းတဲ့ မိကောင်းဖခင်ကမွေးဖွားလာတဲ့ မိန်းမပီသပါပေတယ်ကွယ်... ကိုကို့အတွက် ဇနီးကောင်းလက်ဆောင်မွန်ပါပဲ "
" ကိုကိုကလဲ.... ကိုယ့်မိန်းမကိုကပ်မြှောက်နေပြန်ပါပြီ "
" တကယ်ပြောတာပါညွန့်ရယ်...ကိုကို့မိဘတွေလဲ ညွန့်မိဘတွေလိုပဲ ကိုကိုတို့ကိုငယ်ငယ်လေးကတည်းက ဗုဒ္ဓဘာသာရဲ့အနှစ်သာရနဲ့ တရားတော်တွေကိုယုံယုံကြည်ကြည်ကိုးကွယ်ဖို့သင်ကြားပေးခဲ့တယ် ။ များသောအားဖြင့် မိရိုးဖလာ ဗုဒ္ဓဘာသာလို့ခံယူထားကြပြီး ပရိတ်တရားတော်တွေကို အာပေါင်အာရင်းသန်သန်နဲ့ရွတ်ကြပေမယ့် တရားတော်တွေရဲ့အနှစ်သာရကိုမသိကြသလို ဌာန်ကရိုဏ်းကျကျ ပီပီသသလဲမရွတ်တတ်ကြဘူးညွန့်ရဲ့... အချို့ဆိုရင် ပုတီးစိပ်တာနဲ့ နိဗ္ဗာန်ရောက်ပြီလို့ထင်နေကြတဲ့ ဗုဒ္ဓဘာသာဝင်တွေတစ်ပုံကြီးရှိသေးတယ် ။ ပိဋ္ဋကတ်သုံးပုံကိုအာဂုံဆောင်နိုင်တဲ့ ရဟန်းတော်တွေတောင် ရဟန္တာမဖြစ်နိုင်ကြတာကိုသိပ်မသိကြဘူး... ဝတ်ဖြူစင်ကြယ်ဝတ်တိုင်း သူတော်စင်လို့ထင်နေကြတယ် ၊ ထက်အောက်ယောဂီအဆင်ဝတ်တာနဲ့ သီလလုံတယ်လို့ထင်နေကြသေးတယ်ညွန့်ရေ... အယူလွဲရင် ဘုန်းကြီးလဲသရဲဖြစ်သတဲ့.... "
" သမီးလေးနှစ်နှစ်ချိုက်ချိုက်အိပ်တုန်း ဘုရားရှိခိုးပြီး အိပ်ကြရအောင်ကိုကို... "
" ကောင်းသားပဲညွန့်ရေ... "
ကိုကျော်လှနှင့် မညွန့်ရီတို့ ကိုယ်လက်သန့်စင်ပြီးသည်နှင့် ဘုရားဝတ်ပြုကြလေသည် ။
" ဝုန်း.... ဒုန်း... "
ဘုရားရှိခိုးနေစဉ် အိမ်နောက်ဖေးဘက်မှ ဆူညံသောအသံများကိုကြားလိုက်ရသဖြင့် နှစ်ယောက်သား တစ်ယောက်မျက်နှာတစ်ယောက်ကြည့်မိကြလေသည် ။ မညွန့်ရီက သမီးလေး၏ နားနှစ်ဖက်ကို စောင်ဖြင့်အသာထွေးရစ်လိုက်ပြီး ဆက်ပြီးဘုရားဝတ်ပြုလိုက်သည် ။
" ဝေနေယျသတ္တဝါအပေါင်း ကျမ်းမာကြပါစေ...ချမ်းသာကြပါစေ... ဘေးရန်ခပ်သိမ်းငြိ်မ်းကြပါစေ...နှလုံးစိတ်ဝမ်းငြိမ်းချမ်းကြပါစေ...သာသနာတော်စောင့် နတ်မင်းကြီးလေးပါးနှင့်တကွ... မြို့စောင့်နတ် ရွာစောင့်နတ်...တောစောင့်နတ်...တောင်စောင့်နတ်... အိမ်စောင့်နတ်...မြေစောင့်နတ် ...အာကာသစိုး..ရုက္ခစိုး...အပေါင်းတို့နှင့်အတူ...ဤအိမ်တွင်ရှိသော မကျွတ်မလွတ်ကြသေးသည့် ပုဂ္ဂိုလ်အပေါင်းတို့အား မေတ္တာပို့သပါသည်...ကျွန်ုပ်တို့ပြုသမျှသောကုသိုလ်အဝဝတို့ကို သင်တို့အားအမျှပေးဝေပါသည်...ရောက်ရာဘုံဘဝမှ သာဓုခေါ်ဆိုနိုင်ကြပါစေ.... အားလုံးကြားကြားသမျှ....အမျှ...အမျှ...အမျှ...ယူတော်မူကြပါကုန်လော့...... "
" သာဓု....သာဓု...သာဓု... "
" ဘုံး......ဘုံး.... "
အမျှပေးဝေပြီးသည်နှင့် ကိုကျော်လှနှင့် မညွန့်ရီတို့ တစ်ယောက်မျက်နှာတစ်ယောက်ကြည့်ကာ ဘယ်လိုလဲဆိုသည့်သဘောဖြင့်မေးငေါ့ပြလိုက်ကြလေသည် ။
" ကိုကို... အခုပုဂ္ဂိုလ်ကတော့ နယ်နယ်ရရမဟုတ်ဘူးနော်.... ညွန့်ထင်တာပြောရရင် ပရိတ်ကြီးလဲမကြောက်...အမျှဝေတာလဲမယူတတ်တဲ့သူဖြစ်နေမလားပဲ "
" ကိုကိုလဲညွန့်နဲ့အတွေးခြင်းတူနေတယ် ...တော်တော်သဘာရင့်နေတဲ့ပုံပဲညွန့်ရေ "
" အိမ်မှာဆွမ်းကြွေးလိုက်ရအောင်ကိုကိုရယ်... "
" ကိုကိုစီစဉ်လိုက်ပါ့မယ်...စိတ်မပူပါနဲ့...မိုးလဲချုပ်ပြီ...အိပ်ကြရအောင်နော် "
" ဟုတ်ကဲ့ကိုကို...သမီးလေးနှစ်နှစ်ချိုက်ချိုက်အိပ်တုန်းလေး အိပ်ရမှာ... "
မှန်အိမ်မီးရောင်အား မီးစာချကာ မေတ္တာသုတ်ကိုရွတ်ဆိုရင်း အိပ်ပျော်သွားကြလေတော့သည် ။
-----------------------
" သား.... မောင်ကျော်လှ... "
အိမ်ရှေ့ကခေါ်သံကြားသဖြင့် ကိုကျော်လှလှမ်းကြည့်လိုက်မိသည် ။ အသက်ခွန်နှစ်ဆယ်အရွယ် အဘိုးအိုတစ်ဦးက အိမ်ရှေ့တံခါးဝသို့ပင်ရောက်နေလေပြီ...။ မျက်နှာစိမ်းအဘိုးအိုက ကိုကျော်လှ၏အမည်ကိုဘယ်ပုံဘယ်နည်းဖြင့်သိနေသည်ကို စဉ်းစားမရသည့်ဟန်ဖြင့် အဘိုးအိုကိုအသေအခြာစိုက်ကြည့်နေမိလေသည် ။
" ငါ့သားက အဘကိုမသိပေမယ့် အဘက ငါ့သားကိုကောင်းကောင်းသိပါတယ်ကွယ့် "
" ဗျာ..... အဘကကျွန်တော့်ကိုသိတယ်...ဟုတ်လား... "
" ဟုတ်တယ်သားရဲ့...သားတင်မကဘူး...သားရဲ့ဇနီးမညွန့်ရီကိုပါသိနေတာပေါ့ကွယ် "
" ဒါဆိုရင်...အဘကကျွန်တော်တို့နဲ့အမျိုးဘယ်လိုတော်စပ်ပါသလဲခင်ဗျာ...မသိလို့မေးမိတာကို စိတ်မရှိပါနဲ့ "
" လောကမှာ လူတိုင်းက တစ်မျိုးတစ်ဖုံနဲ့ အမျိုးတော်စပ်နေကြတာပါပဲသားရယ်....။ ပဌာန်းစက်ရှိကြတာပေါ့...။ သံသရာရဟတ်ကိုအတူတူစီးနေကြတဲ့သူတွေပဲကွယ်... "
" အဘ...အိမ်ထဲဝင်ထိုင်ပါဦးခင်ဗျာ..... ရေနွေးကြမ်းလေးသုံးဆောင်ပါဦး... "
" အိမ်ပေါ်မတက်တော့ပါဘူးသားရယ်... သားကိုအဘက ပြောစရာလေးရှိလို့လာခဲ့တာပါ "
ထူးဆန်းသောအဘိုးအိုကိုယခုမှပင် ကိုကျော်လှ သတိထားမိသည် ။ ယခုခေတ်တွင် တွေ့ရခဲသော ကွက်တုံးအကြဲ အနီရောင်ကိုဝတ်ထားပြီး ဖျင်ပင်နီတိုက်ပုံကိုသေသေသပ်သပ်ဝတ်ထားလေသည် ။ အနီရောင်ခေါင်းပေါင်းစမှာ သစ်လွင်နေပြီး သျှောင်ထုံးမှာနက်ပြောင်နေလေသည် ။ အသက်မည်မျှရှိပြီကိုမူ ကိုကျော်လှခန့်မှန်းရခက်နေလေသည် ။
" ဟုတ်ကဲ့....ပြောပါအဘ... အိမ်ပေါက်ဝမှာရပ်ပြီးစကားပြောနေရတော့ အဘကိုသားက အားနာတာပါ... "
" ရပါတယ်သားရယ်... ဒီလိုကွ... သားတို့အိမ်ပြောင်းလာကတည်းကအဘစောင့်ကြည့်နေတာ ၊ သားတို့ဘေးမှာအစောင့်အရှောက်တွေပါလာကတည်းက ငါ့သားနဲ့သမီးကနယ်နယ်ရရမဟုတ်ဘူးဆိုတာ အဘသဘောပေါက်တယ်ကွယ့်... "
" ဗျာ....အစောင့်အရှောက်...သားတို့မှာဘယ်သူမှမပါလာပါဘူးအဘ... "
" သားနားမလည်ပါဘူးကွယ်... အဘဆက်ပြောပြမယ်... သားနဲ့သမီးတို့ မေတ္တာပို့ပြီး အမျှဝေကြတဲ့တဲ့အသံကိုလဲ အဘကောင်းကောင်းကြားပါတယ်...။ အဘလဲသာဓုခေါ်နိုင်လို့ သားနဲ့သမီးကိုကျေးဇူးတင်ပါတယ်ကွယ်... အချို့ကမေတ္တာသာပို့ကြတာ... သက်ဆိုင်ရာကိုမပို့တတ်ကြတော့ သာဓုမခေါ်နိုင်ကြဘူးကွယ့်... နောက်တစ်ခုက ဟိုညောင်ပင်ကြီးမှာ ဖယောင်းတိုင်လာပူဇော်သွားတယ်မဟုတ်လား... "
" ဟုတ်ပါတယ်အဘ... ပထမတော့ အလင်းရောင်လိုချင်လို့ပါ....နောက်တော့ ညောင်ပင်ကြီးမှာရှိတဲ့ အစောင့်အရှောက်ကိုလဲ လှူတဲ့သဘောနဲ့ ပြောမိတာပါ "
" ကောင်းပါလေ့ကွယ်...၊ အဘ အရေးကြီးတာတစ်ခုကိုပြောချင်လို့ပါငါ့သား... "
" ပြောပါအဘ... "
" ဒီအိမ်ကိုမင်းနေမယ်လို့စိတ်ကူးမိတုန်းက သေသေချာချာမလေ့လာမစုံစမ်းဘူးလားကွယ့်... "
" မစုံစမ်းမိပါဘူးအဘ...သားမှာရှိတဲ့ စုဆောင်းထားတာလေးနဲ့ လုံလောက်အောင်ဝယ်ရတော့ ဘာပဲဖြစ်ဖြစ်ဝယ်လိုက်မိတာပါ...ဘာဖြစ်လို့လဲအဘ "
" အဘပြောစရာမလိုဘူး...သားလဲအနှောက်အယှက်ကိုမျက်မြင်တွေ့ပြီးပြီပဲ... မပူပါနဲ့ငါ့သား... ငါ့သားတို့ရဲ့ မေတ္တာတန်ခိုးကြောင့် သက်ဆိုင်ရာကလာဖယ်ရှားပေးပါလိမ့်မယ်...တစ်ခုရှိတာက သားကအိမ်ရှင်ဖြစ်နေလေတော့ သားကိုယ်တိုင် မနေအပ်သူကို နှင်ထုတ်ဖို့ခွင့်ပြုမှဖြစ်မှာ... "
" ဟုတ်ကဲ့ပါအဘ.... "
" အဘ.... အဘစားဖို့မုန့်လေးပေးပါရစေအဘရယ်... ခွင့်ပြုပါ "
" ငါ့သားကစားစေချင်လို့လှူတာပဲကွယ်...အဘကလက်ခံရမှာပေါ့ "
ကိုကျော်လှက မီးဖိုချောင်ထဲအမြန်ဝင်ပြီး မြို့ပေါ်မှဝယ်လာသော ဘီစကစ်မုန့်တစ်ထုပ်အား ရိုရိုသေသေကမ်းပေးရင်း ကန်တော့လိုက်သည် ။
" သာဓု...သာဓု...သာဓုပါ..... အသက်ရှည်လို့အနာမဲ့ကြပါစေ... နိဗ္ဗာန်ကိုမျက်မှောက်ပြုနိုင်ကြပါစေကွယ်....ကိုင်း...အဘလဲပြန်ဦးမယ်.... အော်....ငါ့သားမောင်ကျော်လှ "
" ဗျာ...အဘ... "
" သားတို့အိမ်ရှေ့မှာ ကွယ်နေတဲ့ ညောင်ကိုင်းကြီးကို ခုတ်ချင်ခုတ်လိုက်နော်...ဘာမှမဖြစ်စေရဘူး... အဘတာဝန်ယူတယ်... အဘခွင့်ပြုတယ်... "
" ဟင်... အဘက ဘယ်လိုလုပ်သိနေလဲအဘ "
" အဘပြန်လိုက်ဦးမယ်သားရေ... "
" နေပါဦးအဘ...အဘက ဘယ်မှာနေတာလဲဟင်... "
ပြောစရာရှိသည်များပြောကြားပြီးလှည့်ထွက်သွားသော အဘိုးအိုက ပြုံးရင်း ညောင်ပင်ကြီးကိုလက်ညှိုးထိုးပြလိုက်လေသည် ။ ကိုကျော်လှလည်း အံ့အားတသင့်ဖြင့်အဘိုးအိုကိုကြည့်နေမိလေသည် ။
" ကိုကို.... ကိုကို "
" ဟင်..... "
" ဒီမှာဘာရပ်လုပ်နေတာလဲ.... "
" ဟင်... "
" အိမ်တံခါးကြီးလဲပွင့်လို့ ... စကားပြောသံကြားလို့ ထကြည့်တာ...ဘာဖြစ်လို့လဲဟင်...ကိုကို... "
ကိုကျော်လှယခုမှသတိထားမိလေသည် ။ အိမ်ရှေ့တံခါးမကြီးပွင့်နေပြီး တံခါးဝတွင်ရပ်နေသော မိမိအဖြစ်ကိုပြန်စဉ်းစားရင်း အိပ်မက်လား...တကယ်လားဆိုတာ ဝေခွဲမရဖြစ်နေလေသည် ။ ထို့နောက် မညွန့်ရီကို အဖြစ်အပျက်အားလုံးပြောပြလိုက်လေတော့သည် ။
" ဟင်...ကိုကို.... ဒါဆိုရင် ညောင်ပင်က ရုက္ခစိုးအဘရောက်လာတာပေါ့...ဟုတ်လား... "
" ကိုကိုလဲ တပ်အပ်တော့ပြောမရဘူးညွန့်ရယ်... ယုံရလဲခက်ခက်... ကိုကိုများ အိပ်မက်ပြီးယောင်နေတာလားမသိဘူး... ဘာပဲဖြစ်ဖြစ်.. ညောင်ပင်ကြီးမှာ မီးသွားပူဇော်လိုက်ဦးမယ်ကွယ်... "
" အို....ကိုကိုကလဲ...ညကြီးမိုးချုပ်... မြွေပါးကင်းပါးနဲ့... "
" ဘာမှမဖြစ်ပါဘူး...စိတ်မပူပါနဲ့ "
ဖယောင်းတိုင် တစ်တိုင်ကို မီးညှိလိုက်ပြီး ညောင်ပင်ကြီးဆီသို့ထွက်လာခဲ့လေသည် ။ ညောင်ပင်ကြီးရှိရာသို့ရောက်သည်နှင့် ယ္ခင်ကမီးထွန်းထားခဲ့သော သစ်ခေါင်းထဲတွင် ဖယောင်းတိုင်စိုက်ထူရန်ပြင်ဆင်လိုက်ရာ...
" ဟာ....... "
သစ်ခေါင်းထဲတွင် ဘီစကစ်မုန့်ထုပ်လေးက နေရာယူထားလေသည် ။
" ဘုရားရေ.....တကယ်ဟုတ်နေပါပေါ့လား.... "
ဖယောင်းတိုင်မီးကို ညောင်ပင်ခြေရင်းရှိ သစ်မြစ်တွင် ထွန်းညှိလိုက်ပြီး လက်အုပ်ချီကာ ကန်တော့လိုက်လေတော့သည် ။
" အဘခင်ဗျာ.... သားမောင်ကျော်လှနှင့် သမီးမညွန့်ရီတို့မှ အဘအတွက် ဆီမီးပူဇော်လှူဒါန်းပါတယ်ခင်ဗျာ.... "
" ရှဲ........ ဝေါ.....ဝေါ... "
လေမတိုက်ပဲ ညောင်ပင်ကြီးတစ်ခုလုံးလှူပ်ခါသွားသည်ကိုကြည့်ပြီး ကိုကျော်လှတစ်ယောက် ကြက်သီးမွေးညင်းများပင် ထောင်ထလာလေသည် ။ အိမ်ပေါ်သို့လှမ်းကြည့်လိုက်စဉ် အိမ်ပေါက်ဝတွင်စောင့်နေသောမညွန့်ရီ၏ အနောက်မှ မားမားရပ်နေသော မဲမဲသဏ္ဍာန်ကြီးကိုလှမ်းမြင်လိုက်ရသဖြင့် အိမ်ဘက်သို့ ခပ်သွက်သွက် လှမ်းလာခဲ့လေသည် ။
" ကိုကို....ဘာဖြစ်လာလို့လဲဟင် "
" ဘာမှမဖြစ်ပါဘူးညွန့်...ကိုကိုတို့ဒီညမအိပ်တော့ဘူးကွာ..... ခြေလက်ဆေးပြီးတာနဲ့ သမီးလေးကိုပါခေါ်ပြီး ဘုရားရှိခိုးမေတ္တာပို့ကြရအောင်... "
မညွန့်ရီကသဘောပေါက်သွားသဖြင့် ခေါင်းငြိမ့်ပြလိုက်လေသည် ။
" တောက်.... "
ကျယ်လောင်သော တက်ခေါက်သံက အိမ်နောက်ဖေးဘက်မှ ထွက်ပေါ်လာသဖြင့် ကိုကျော်လှနှင့် မညွန့်ရီတို့ ခြေလှမ်းများရပ်တန့်သွားလေသည် ။
" ဤအိမ်တွင်ရှိနေသော မကျွတ်မလွတ်သေးသည့် ပုဂ္ဂိုလ်ကြီးခင်ဗျာ... ကျွန်တော်တို့ဟာ မိတ်ဆွေများသာဖြစ်ပါတယ်...ရန်သူများမဟုတ်ကြပါ...သင့်အားလည်း မနှောက်ယှက်ပါ... ၊ မကြာခင်မှာ မေတ္တာသုတ်ရွတ်ဆိုပြီး သင့်နှင့်တကွ လူနတ်ဗြမ္မာအပေါင်းအား မေတ္တာပို့အမျှဝေပါတော့မယ်... သာဓုခေါ်ဆိုနိုင်ပါစေ... "
" ဒုန်း..... ချွမ်း.... "
" ညွန့်ရေ...နောက်ဖေးဘက်ကအသံကွ.. "
" နေပါစေ...ကိုကိုရယ်...သွားကြည့်မနေပါနဲ့... လုပ်စရာရှိတာသာလုပ်ရအောင်.... "
" ကောင်းပြီညွန့်ရေ....သမီးလေးကိုသွားခေါ်လာခဲ့... "
" ဟုတ်ကဲ့...ကိုကို... "
--------------------------
သမီးလေးကို မညွန့်ရီ၏နံဘေးတွင် သိပ်ထားလိုက်ပြီး သမာဒေဝနတ်များအားပင့်ဖိတ်ကာ ဘုရားကန်တော့ သီလယူကြလေသည် ။ ထို့နောက် ပရိတ်ကြီးဆယ့်တစ်သုတ်ကို ဌာန်ကရိုဏ်းကျကျ ပြိုင်တူရွတ်ဖတ်ကြလေတော့သည် ။
" ဘုံး.... ဒုံး....ဂွမ်း "
အိမ်နောက်ဖက်မှ ဆူညံသံများနှင့်အတူ အိမ်ဘေးနံရံအား ထုနှက်နေသည့်အသံများကို ကြားနေရသော်လည်း ဘုရားကိုသာအာရုံပြုပြီး ပရိတ်တော်ကိုမပြတ်ရွတ်ဖတ်နေကြလေသည် ။ ပရိတ်တော်များရွတ်ဖတ်ပြီးသည်နှင့် မေတ္တာပို့အမျှပေးဝေလိုက်ကြသည် ။
" သာသနာစောင့်နတ်မင်းကြီးလေးပါးနှင့်တကွ သာသနာစောင့်နတ်....တောစောင့်နတ်...တောင်စောင့်နတ်...မြို့စောင့်နတ်...ရွာစောင့်နတ်....အိမ်စောင့်နတ်...လမ်းစောင့်နတ်...မြေစောင့်နတ်...လေစောင့်နတ်..မီးစောင့်နတ်..သစ်ပင်စောင့်နတ်.. အိမ်ရှေ့ညောင်ပင်ကြီးတွင် ရှိနေသော အဘနှင့်... သာသနာအကျိုးကိုလိုလားသော သူတော်စင်သူတော်ကောင်းအပေါင်းတို့အား ကျွန်ုပ်တို့မှ ပင့်ဖိတ်ကာ မေတ္တာရပ်ခံပါတယ်...။ ဤအိမ်၏ပိုင်ရှင်ဖြစ်သော ကျွန်တော်မောင်ကျော်လှ၏ နေအိမ်တွင် မလိုလားအပ်သော မမြင်အပ်သော အနှောက်အယှက်ပေးနေသည့် မည်သည့်ပုဂ္ဂိုလ်မျိုးကိုမဆိုတားဆီးဖယ်ရှားပေးတော်မူကြပါခင်ဗျား "
" ဝုန်း....... ဒုန်း.... ကျွီ........ ဖျောင်း... "
ပိတ်ထားသော အိမ်ရှေ့တံခါးက အရှိန်ပြင်းစွာဖြင့် အလိုလိုပွင့်ထွက်သွားလေသည် ။ ထို့နောက် ခြံတံခါးပွင့်သွားသံကြားရပြီးသည်နှင့် တိတ်ဆိတ်သွားလေတော့သည် ။ မွှေးထုံသောပန်းရနံ့တို့က အိမ်ထဲတွင်သင်းပျံ့နေသည်ကို ရှူရှိူက်မိသဖြင့် ကိုကျော်လှနှင့် မညွန့်ရီတို့ တစ်ယောက်မျက်နှာတစ်ယောက်ကြည့်ကာပြုံးမိကြသည် ။ သမီးလေးက မညွန့်ရီ၏ နံဘေးတွင် နှစ်နှစ်ချိုက်ချိုက် အိပ်ပျော်နေစဲပင် ။
" ညွန့်ရေ.... နတ်ကောင်းနတ်မြတ်တွေကို ပြန်ပို့ကြရအောင်ကွယ်.... "
" ဟုတ်ကဲ့ကိုကို... "
-------------------
" အကို..... ကိုကျော်လှ...ကိုကျော်လှ "
အိမ်ရှေ့မှ လှမ်းအော်လိုက်သောအသံကြောင့် ကိုကျော်လှက အိမ်ပေါ်မှလှမ်းကြည့်လိုက်သည် ။ ရေနံဆီမီးခွက်ကို လက်မှကိုင်ထားသောသူ၏ မျက်နှာကို လှမ်းမြင်လိုက်ရသဖြင့် ကိုသောင်းမှန်းသိလိုက်လေသည် ။
" ကိုသောင်းလား.... "
" ဟုတ်တယ်အကို.... ကျွန်တော်တို့ဝင်ခဲ့ရမလား... အပြင်မှာအမေတို့လဲပါတယ် "
" ဝင်လာခဲ့လေ...ကိုသောင်း "
ကိုသောင်းတို့မိသားစု အိမ်ထဲရောက်သည်နှင့် နေရာထိုင်ခင်းစီစဉ်ပေးလိုက်သည် ။
" ထိုင်ကြပါ ကိုသောင်း...အမေကြီး...ခေါင်းရင်းမှာထိုင်ပါခင်ဗျ "
" ရပါတယ်သားရယ်... "
" အကို...ခုနကဘာတွေဖြစ်ကုန်တာလဲ "
" ဘာကိုလဲကိုသောင်း "
" အသံတွေဆူညံနေလို့ အကိုတို့လင်မယားရန်ဖြစ်နေတာထင်ပြီး ကျွန်တော်စိတ်ပူပြီးလှမ်းကြည့်လိုက်တာ အကိုတို့အိမ်မှာ မီးတွေကိုထိမ်လင်းနေတာပဲ....။ လူတွေလဲအများကြီးဗျ... နောက်ပြီး.... "
ကိုသောင်းကပြောလက်စကိုရပ်လိုက်ပြီး သူ့မိခင်၏မျက်နှာကိုလှမ်းကြည့်လိုက်သည် ။
" ပြောစရာရှိတာပြောပါကိုသောင်း... "
" ဟိုဗျာ... ပုလိပ်ဝတ်စုံနဲ့လူတွေရောက်လာပြီး လူတစ်ယောက်ကို လက်ပြန်ကြိုးတုတ်ပြီးခေါ်သွားတယ်ဗျ...အဲဒီလူ...အဲဒီလူက "
" ဆက်ပြောလေကိုသောင်း... "
" ကိုမြဝင်းကြီးဖြစ်နေတယ်.... ကျွန်တော်မီးရောင်နဲ့ သူ့မျက်နှာကိုမြင်လိုက်ရတယ်... "
" ဗျာ...ဘယ်ကကိုမြဝင်းလဲ ကိုသောင်း... "
ကိုသောင်းကအိမ်တစ်ခုလုံးကို ထိတ်လန့်စွာ ပါတ်ခြာလည်ကြည့်ရင်း...။
" အကိုကျွန်တော့်ကိုစိတ်မဆိုးပါနဲ့နော်... "
" စိတ်မဆိုးပါဘူးဗျာ... ပြောမှာသာပြောပါ "
" အရင်က ကိုမြဝင်းတို့မိသားစု ဒီအိမ်မှာနေသွားတယ်ဗျ.... "
" ဟုတ်ကဲ့.... "
" သူ့မိန်းမ မလှမြင့်က အခြားရွာက လူတစ်ယောက်နဲ့ဖောက်ပြန်တာကို ကိုမြဝင်းသိသွားတယ်...မလှမြင့်ကိုတားပေမယ့် မရတော့ဘူးဗျ.....မလှမြင့်က ဟိုလူနဲ့ လိုက်ပြေးသွားပါလေရော... ကိုမြဝင်းကြီးလဲ ရှက်ရှက်နဲ့ဟော...ဟိုက ထုတ်တန်းမှာ ကြိုးဆွဲချပြီးသတ်သေသွားတယ်ဗျ... ဒီအိမ်မှာလင်စုံမယားဖက် နေလို့ကိုမရဘူးအကို... အရင်ကလင်မယားလဲ ထွက်ကိုပြေးရတာဗျ... "
" ကျွန်တော့်ကို အဲဒီအကြောင်းတွေ အစောကဘာလို့မပြောတာလဲကိုသောင်း "
" အမေကတော့ တားပါသေးတယ်... ဒါပေမယ့် ကျွန်တော်လဲ ငွေလိုနေတာနဲ့ ပွဲခလေးစားရမနည်းဘူးဆိုပြီး အကို့ကိုအတင်းထိုးရောင်းမိတာပါ...ခွင့်လွှတ်ပါအကို "
" ရပါတယ်ဗျာ... ခင်ဗျားပြောတဲ့ပုံဆိုရင်တော့ ကိုမြဝင်းဆိုတဲ့လူလဲ ဒီအိမ်မှာမရှိတော့ပါဘူး... "
" ဟုတ်မယ်အကို.... သူ့ကိုဖမ်းခေါ်သွားတဲ့ ပုလိပ်တွေကထွားထွားကြီးတွေဗျ..... "
" ဟုတ်လား... "
" ကျွန်တော်တို့ပဲမြင်တာမဟုတ်ဘူးအကို.... အကို့အိမ်ရှေ့ကိုကြည့်လိုက်.....လူတွေတွေ့လား...အကိုနဲ့မရင်းနှီးသေးလို့သတင်းမေးမလို့ဝင်မလာရဲကြဘူး.....သူတို့အကုန်လုံးအစအဆုံးမြင်တယ်ဗျ "
" ဗျာ.... အဟုတ်လား...ကိုသောင်း "
" ကျွန်တော်မညာပါဘူးအကို...အမေလဲမြင်တယ်... သျှောင်ထုံးကြီးနဲ့ အဘိုးကြီးတစ်ယောက်က အကို့ခြံရှေ့မှာခါးထောက်ရပ်ပြီး အဲဒီလူ...ကို...ကိုမြဝင်းကို အတင်းဆွဲထုတ်ခိုင်းနေတယ်... ကြည့်ရတာ အရေးပိုင်မင်းပုံစံနဲ့တူတယ်ဗျ... "
ကိုသောင်းပြောစကားကိုနားထောင်ရင်း ကိုကျော်လှက မညွန့်ရီကိုလှမ်းကြည့်ကာပြုံးပြလိုက်လေတော့သည် ။
ကိုကျော်လှနှင့် မညွန့်ရီတို့၏ သမီးလေး မချစ်ပို အိမ်ထောင်ကျပြီးသည်အထိ ထိုအိမ်တွင် ဘာသံမျှမကြားရတော့ပေ.......
မေတ္တာလွှမ်းခြုံ သီလလုံကြပါစေ
လွင်ဦးဟန်
(စပယ်ဖြူမှကူးယူပါသည်)
Comments
Post a Comment